निर्वाचन आयोगले प्रत्यक्षतर्फको मतगणना अन्तिम चरणमा पुर्याएको छ। १६५ मध्ये १६१ क्षेत्रको नतिजा सार्वजनिक भइसकेको छ। बाँकी चार क्षेत्रमा मतगणना चलिरहेको छ।
१६५ मध्ये १२४ क्षेत्रमा रास्वपाले जितिसकेको छ भने गोरखा १ मा अग्रता लिइरहेको छ।
त्यस्तै, नेपाली कांग्रेसले १७ ठाउँमा जितिसकेको छ भने इलाम १ मा अग्रता लिएको छ।
एमालेले आठ क्षेत्रमा जितेको छ भने संखुवासभामा अग्रता लिएको छ।
त्यस्तै, नेपाली कम्युनिस्ट पार्टीले सात क्षेत्रमा जितिसकेको छ।
त्यस्तै, श्रम संस्कृति पार्टीले तीन, राप्रपाले एक र एक स्वतन्त्र विजयी भएका छन्।
धनुषा ४ मा मतगणना जारी रहे पनि सार्वजनिक गरिएको छैन । यहाँ रास्वपाका उम्मेदवारको निर्वाचन आयोगले उम्मेदवारी रद्द गरेकोमा उनी अदालत गएका छन्। अदालतबाट आदेश नभएकाले मतपरिणाम सार्वजनिक गरिएको छैन ।
