आइसिसी टी–२० विश्वकप क्रिकेट प्रतियोगिताको पूर्वसन्ध्यामा बुधबार भएको अभ्यास खेलमा अफगानिस्तानले दुईपटकको पूर्वविजेता वेस्ट इन्डिजविरुद्ध २३ रनको जित निकालेको छ ।
पहिलो ब्याटिङ गरेको अफगानिस्तानले २० ओभरमा ६ विकेट गुमाएर १८२ रन बनाएको थियो । प्रत्युत्तरमा वेस्ट इन्डिजले २० ओभरमा सात विकेटको क्षतिमा १५९ रन जोड्यो । अफगनिस्तानको ब्याटिङमा इब्राहिम जर्दानले ३४ बलमा ५१ तथा ओमाजीले १५ बलमा ३५ रनको योगदान दिए ।
वेस्ट इन्डिजका लागि म्याथु फोडेले २६ बलमा समान चार चौका र छक्का प्रहार गरी सर्वाधिक ५२ रन जोडेका थिए । यसैगरी, नामिबियाले स्कटल्यान्डलाई ६ रनले हराएको छ । नामिबियाले पहिलो ब्याटिङ गरी २० ओभरमा २२६ रन बनाएको थियो । स्कटल्यान्डले २० ओभरमा पाँच विकेटको क्षतिमा २२० रन जोड्यो ।
See More On
