दोस्रो संस्करणको सिद्धार्थ बैंक नेपाल प्रिमियर लिगअन्तर्गत बुधबार विराटनगर किंग्सले चितवन राइनोजविरुद्ध दुवै ओपनर गुमाएको छ । १७५ रनको लक्ष्य पछ्याइरहेको विराटनगरले २.३ ओभरभित्र दुई विकेट गुमाएको हो ।
विराटनगरले १.४ ओभरमा ओपनर लोकेश बमलाई क्याचआउटका रूपमा गुमायाे । कमल ऐरीको ओभरमा लोकेश सात रनमा आउट भएका हुन् । त्यसपछि २.३ ओभरमा जर्ज मुन्सीको विकेट सोहल तन्भिरले लिए । दीपक बोहरालाई सहज क्याच दिनुअघि मुन्सीले चार रनको योगदान दिए ।
विराटनगरले पावर प्लेभित्रै दुई विकेट गुमाएर कमजोर सुरुवात गरेको हो । तीन ओभरको समाप्तिसम्म विराटनगर १३/२ को अवस्थामा छ ।
बलिङमा तन्भिरले दुई ओभरमा सात रन खर्चेर एक विकेट लिएका छन् । कमल ऐरीले एक ओभरमा ६ रन दिँदै एक विकेट हात पारेका हुन् । यसअघि चितवन राइनोजले २० ओभरमा पाँच विकेट गुमाएर १७४ रनको योगफल खडा गरेको थियो ।
