पहिरोले अवरुद्ध नारायणगढ–मुग्लिन सडकखण्ड एकतर्फी सञ्चालनमा आएको छ। पहिराे पन्छाएपछि अपराह्न सवा ४ बजेदेखि सडकखण्ड एकतर्फी सञ्चालनमा आएको जिल्ला प्रहरी कार्यालय चितवनले जनाएको छ।
शुक्रबार बेलुका ६ बजेदेखि नारायणगढ–मुग्लिन सडक खण्डअन्तर्गत पर्ने तुइनखोलामा गएको पहिरोले सडक अवरुद्ध बनेको थियो ।
पहिरोले सडक पूर्ण रूपमा अवरुद्ध हुँदा सयौँ सवारीसाधन सडकमै रोकिएका थिए। अहिले सडक एकतर्फी खुलेसँगै सवारीसाधनहरू गन्तव्यतर्फ लागेका छन्। पहिराेकाे कारण अवरुद्ध सडक ४५ घण्टापछि नियमित भएकाे हाे ।
सडक दुईतर्फी खुलाउने प्रयास भइरहेको छ । सडक डिभिजन भरतपुरले डोजर, रोलर प्रयोग गरेर दुईतर्फी बाटो खुलाउने प्रयास गरिरहेको छ ।
See More On
