ज्योतिष तथा वास्तुविद् सुरेशचन्द्र रिजालले तयार पारेको माघ १९ गते शनिबारदेखि २५ गते शुक्रबारसम्मको साप्ताहिक राशिफल पढ्नुहोस्
मेष (चु, चे, चो, ला, लि, लु, ले, लो, अ) : धार्मिक भ्रमणका क्रममा नयाँ सम्बन्ध जोडिने योग छ । दीर्घकालीन फाइदा पुग्ने क्षेत्रमा गरिएको लगानीले सोचेअनुुसार सफलता मिल्ने देखिएको छ । लामो समयदेखि रोकिएका कानुनी झैझमेलाबाट विजयी हुने ग्रहयोग परेको छ । बिहीबार वैदेशिक क्षेत्रसँग सम्बन्धित कुनै पनि काम सफल हुने देखिएको छैन । साताको अन्त्यमा पारिवारिक जीवन सन्तोषप्रद हुनेछ ।
बृष (इ, उ, ए, ओ, बा, बि, बु, बे, बो) : घुमघाम र मनोरञ्जनका क्रममा बहुमूल्य सामान हराउने तथा चोरी हुने ग्रहयोग परेकाले विशेष सावधानी अपनाउनुपर्नेछ । सेयर बजारमा गरिएको लगानी छोटो समयका लागि निकै फाइदाजनक रहनेछ । धार्मिक तथा परोपकारजन्य क्रियाकलापबाट प्रतिष्ठा बढ्नेछ । पैतृक सम्पत्तिमा झमेला आइपर्ने योग रहेकाले विशेष सावधानी अपनाउँदै अगाडि बढ्नुपर्नेछ ।
मिथुन (का, कि, कु, घ, ङ, छ, के, को, ह) : घरमा मांगलिक कार्यको शुभारम्भ हुने ग्रहयोग परेको छ । रोकिएका नयाँ कार्यको थालनी हुँदै जानेछन् । साताको अन्त्यमा खर्चको मात्रा ह्वात्तै बढ्न सक्छ । प्रशासनिक झैझमेला वा आरोप व्यहोर्नुपर्ने हुन सक्छ । प्रेम सम्बन्धमा तिक्तता आउने योग छ । लामो दूरीको यात्रा हानिकारक बन्न सक्छ । भगवान् गणेशको पूजा आरधना गरेमा शुभ हुनेछ ।
कर्कट (हि, हु, हे, हो, डा, डि, डु, डे, डो) : रमाइलो र मनोरञ्जक क्रियाकलापका साथमा साताको सुरुवात हुनेछ । विभिन्न समस्यासित जुध्नुपर्ने योग छ । इच्छाएको जिम्मेवारी प्राप्तिको योग छ । खानपान र यात्रामा खर्च गर्न मन लाग्नेछ । विशिष्ट व्यक्तिको सहयोग र सल्लाहले स्वास्थ्यमा सकारात्मक संकेत देखिनेछ । बोलेको कुराले विपरीत अर्थ लाग्नाले सम्बन्धमा तिक्तता आउन सक्छ, सावधानी अपनाउनुपर्नेछ ।
सिंह (मा, मि, मु, मे, मो, टा, टि, टु, टे) : मन प्रसन्न रहनेछ । शत्रु पराजित हुनेछन् । यश, सम्मान र प्रतिष्ठा प्राप्त हुनेछ । नयाँ सम्बन्ध जोडिने योग छ । रोकिएका अधुरा काम पूरा हुनेछन् । कुनै शुभकर्म गर्नुपूर्व बिघ्नहर्ता गणेशजीको स्मरण गरी गरेको कार्यबाट अधिक सफलता मिल्नेछ । घरमा मांगलिक कार्य खुल्दै जानेछन् । छोटो समयका लागि टाढाको यात्रा फलदायी रहनेछ ।
कन्या (टो, प, पि, पु, ष, ण, ठ, पे, पो) : लामो समयदेखि रोकिएको कामको गाँठो फुक्नेछ । नयाँ कार्यको योजना बन्नेछ । व्यापार व्यवसायमा सफलता पाइनेछ । शुभारम्भको चर्चा पनि चल्नेछ । दीर्घकालीन फाइदा हुने क्षेत्रमा लगानी गर्दा सफलता मिल्नेछ । साझेदारीमा गरिएका कामबाट राम्रो प्रतिफल प्राप्त हुनेछ । वैदेशिक यात्रा सफल रहने योग रहेको छ । नयाँ जिम्मेवारी प्राप्तिको अवसर मिल्नेछ ।
तुला (र, रि, रु, रे, रो, ता, ति, तु, ते) : राजनीतिक र सामाजिक क्षेत्रबाट सफलता मिल्नेछ । एकपछि अर्को अवसर आउनाले मन प्रसन्न रहनेछ । शुभ समाचार सुन्न पाइएला । नसोचेको ठाउँबाट धनागम हुन सक्छ । यो धनार्जनका नयाँ स्रोत पत्ता लाग्नेछन् । शैक्षिक क्षेत्र पनि राम्रै रहनेछ । मनोरञ्जनमा समय र धन हानिको योग छ । निर्माण क्षेत्रमा गरिएका लगानीबाट फाइदा पुग्नेछ ।
बृश्चिक (तो, ना, नि, नु, ने, नो, या, यि, यु) : नजिकको मित्रसँग भेटघाट हुनेछ । बुद्धिको उपयोगले लक्ष्य पहिल्याउन सकिनेछ । समाजबाट सहयोग मिल्ने देखिन्छ । साताको उत्तरार्धमा प्रतिद्वन्दीले कार्यमा अवरोध ल्याउनेछन् । साताको अन्त्यमा स्वास्थ्यमा गडबडी भई दैनिक कामकाजमा असर पर्ने योग छ । बोलेको कुराको विपरीत अर्थ लाग्नाले सम्बन्धमा तिक्तता आउन सक्छ ।
धनु (ये, यो, भ, भि, भु, ध, फा, ढ, भे) : साताको प्रारम्भमा शरीरमा आलस्य आउला । स्वास्थ्यप्रति सजग रहन आवश्यक छ । लामो यात्रा गर्दा विशेष सावधानी अपनाउनुपर्नेछ । बुधबारदेखि प्रिय व्यक्तिबाट विशेष सहयोग मिल्नेछ । शुभकार्यको योजना र चर्चा चल्नेछ । धार्मिक तथा समाजसेवामा मन लाग्नेछ । वैदेशिक यात्रा सफल हुनेछ । बिलासिता र मनोरञ्जनका लागि समय र धन खर्च हुन सक्छ ।
मकर (भो, ज, जि, खि, खु, खे, खो, गा, गि) : दाजुभाइ, दिदीबहिनीले तपाईँका सकारात्मक विचारलाई समर्थन गर्नेछन् । पराक्रम बढ्नुका साथै धन लाभका योग पनि देखिन्छन् । प्रेमजीवन पनि सफल रहनेछ । शुभकार्यको चर्चा चल्नेछ, तर स्वास्थ्यप्रति सजगता अपनाउनुपर्नेछ । नयाँ जिम्मेवारीसहित स्थानान्तरणको योग रहेको छ । समयलाई उपयोग गर्न सके राम्रो फाइदा लिन सकिनेछ । समग्रमा यो साता फलदायी रहनेछ ।
कुम्भ (गु, गे, गो, सा, सि, सु, से, सो, द) : साथीभाइ र आफन्तबाट सहयोग प्राप्त हुनेछ । व्यवसाय बढाउने वा नवीन रोजगारीको योजनाबाट सफलता मिल्नेछ । घरमा मांगलिक कार्य सम्पादन हुनेछ । बुधबारबाट दैनिक कार्यमा भने समस्या र अवरोध आउनेछ । शैक्षिक क्षेत्र पनि कमजोर रहनेछ । कुनै शुभकर्म गर्नुपूर्व दुर्गाजीको दर्शन गरी कार्य आरम्भ गर्दा अधिक सफलता मिल्नेछ ।
मीन (दि, दु, थ, झ, ञ, दे, दो, च, चि) : साताको प्रारम्भमा राजनीतिक कार्यमा सफलता मिल्नेछ । स्थानान्तरणको योग रहेकाले नयाँ जिम्मेवारी प्राप्तिको योग रहेको छ । रमाइलो र छोटो यात्राको सम्भावनासमेत छ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । धनार्जनका नयाँ स्रोत पत्ता लाग्नेछन् । महत्वपूर्ण कार्यको थालनीसमेत हुनेछ ।
