टी–२० आई त्रिकोणीय शृंखलाको पहिलो म्याचमा नामिबियाले दिएको दुई सय सात रनको लक्ष्य पछ्याएको नेपालले तेस्रो विकेट गुमाएको छ ।
कप्तान रोहितकुमार पौडेल २४ बलमा ४२ रन बनाएर आउट भएका छन् । ब्याटिङमा नयाँ विश्वकीर्तिमान बनाएका जान निकोल लोफ्ट इटनको बलमा रोहित क्याच आउट भए ।
इनिङ्सको ७.३ ओभरमा छक्का लगाउने चक्करमा रोहितले आफ्नो विकेट गुमाएका हुन् । त्यसअघि उनले इटनलाई छक्का प्रहार गरेका थिए । लङअनमा फिल्डिङ गरिरहेका फेलिंकनले रोहितको उत्कृष्ट क्याच लिए
रोहितले २४ बलमा तीन छक्का र तीन चौकाको मद्दतमा ४२ रनका हुन् । उनी आउट हुँदा नेपाल ७७–३ को अवस्थामा रह्यो । रोहितले कुशल मल्लसँग ५७ रनको साझेदारी गरेका थिए ।
त्यसअघि नेपालले २.५ ओभरमा दोस्रो विकेटका रूपमा अर्का ओपनर आसिफ शेखलाई गुमाएको थियो । रुबेल ट्रम्पलमेनले फ्रयाकिंनलाई क्याचआउटका रूपमा पेभेलियन पठाएका हुन् । आसिफले ६ बलमा ६ रन मात्र बनाए ।
त्यसअघि दुई सय सात रनको लक्ष्य पछ्याएको नेपालले इनिङ्सको पहिलो बलमै ओपनर कुशल भुर्तेललाई एलबिडब्लूका रूपमा गुमाएको थियो ।
