मुसिकोटले जित्यो राष्ट्रपति रनिङ सिल्ड

सोमबार, १५ फागुन, २०७९
डिजिटल संस्करण

गुल्मीको तम्घासस्थित चिदीचौर खेलमैदानमा चार दिनसम्म सञ्चालन भएको राष्ट्रपति रनिङ सिल्ड मुसिकोट नगरपालिकाले जितेको छ। 

मुसिकोटले २२ स्वर्ण, १६ रजत र १२ कांस्य प्राप्त गर्दै १३औँ जिल्लास्तरीय राष्ट्रपति रनिङ सिल्ड प्राप्त गरेको जिल्ला खेलकुद विकास समितिका कार्यालय प्रमुख डिल्ली विश्वकर्माले जानकारी दिए। 

त्यस्तै, दोस्रो हुने इस्मा गाउँपालिकाले नौ स्वर्ण, चार रजत र तीन कांस्य प्राप्त गरेको छ। प्रतियोगितामा तृतीय हुने मदाने गाउँपालिकाले तीन स्वर्ण, पाँच रजत र पाँच कास्य प्राप्त गरेको विश्वकर्माले बताए। 

प्रतियोगितामा १२ वटै पालिकाका एक हजार चार सयभन्दा बढी खेलाडी सहभागी भएको जिल्ला खेलकुद विकास समितिले जनाएको छ। प्रतियोगिता विभिन्न ६ विधामा भएको थियो।
 

सुझावित समाचार