राष्ट्रपति विद्यादेवी भण्डारीले महान्यायाधिवक्तामा डा. दिनमणि पोखरेललाई नियुक्त गरेकी छिन्। प्रधानमन्त्री पुष्पकमल दाहाल प्रचण्डको सिफारिसमा राष्ट्रपतिले उनलाई महान्यायाधिवक्तामा नियुक्त गरेकी हुन्।
संविधानको भाग १२ मा महान्यायाधिवक्ता रहने उल्लेख छ । सर्वोच्च अदालतका न्यायाधीशसरह सेवा–सुविधा पाउने महान्यायाधिवक्ताको नियुक्तिका लागि प्रधानमन्त्रीले राष्ट्रपतिसमक्ष सिफारिस गर्छन् । धारा १५८ मा महान्यायाधिवक्ता नेपाल सरकारको मुख्य कानुनी सल्लाहकार रहने उल्लेख छ ।
लामो समय कानुन व्यावसायी रहेका पोखरेलले प्रतिलिपि अधिकारका विषयमा विद्यावारिधि गरेका छन्। पछिल्लो प्रतिनिधिसभा विघटनका मुद्दामा विघटनको विपक्षमा बहस गरेका थिए।
See More On
