नेपाली सुनचाँदी बजारमा आज छापावाल सुनको मूल्य प्रतितोला रु. एक लाख एक हजार एक सय तोकिएको छ । अघिल्लो दिन प्रतितोला रु. एक लाख सात सयमा कारोबार भएको सुनको मूल्य आज प्रतितोला रु. चार सयले बढेको हो ।
नेपाल सुनचाँदी व्यवसायी महासंघले सार्वजनिक गरेको विवरणअनुसार आज तेजाबी सुनको मूल्य प्रतितोला रु. एक लाख ६ सय छ । यसको मूल्य अघिल्लो दिन रु. एक लाख दुई सय थियो ।
त्यस्तै, आज चाँदीको मूल्य अघिल्लो कारोबार मूल्यका तुलनामा रु. १० ले बढेर प्रतितोला रु. एक हजार चार सय पुगेको महासंघले जनाएको छ ।
महासंघले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीको मूल्य तोक्दै आएको छ । हाल अन्तर्राष्ट्रिय बजारमा सुन प्रतिऔँस एक हजार आठ सय ११ दशमलव ६ अमेरिकन डलर आसपासमा कारोबार भइरहेको जनाइएको छ ।
See More On
