- वि.सं २o८१ बैशाख १९ बुधबार
आसन्न मंसिर ४ मा हुने संघ र प्रदेशको निर्वाचनमा त्रुटि हुन नदिन नमुना मतदान गरिएको छ। मतदानमा खटिने कर्मचारी तथा सुरक्षा निकायलाई निर्वाचनमा हुन सक्ने त्रुटिलाई नमुना मतदानमार्फत देखाइएको छ।
बाराका चारवटै संघीय निर्वाचन क्षेत्रमा जिल्ला निर्वाचन कार्यालयले कर्मचारी एवं सुरक्षाका विषयमा खटिने कर्मचारीलाई तालिम दिएको छ। तालिमपश्चात मतदानमा हुन सक्ने त्रुटिलाई नमुना मतदानद्वारा प्रदर्शनीसमेत गरिएको थियो।
यसपटक मतपत्रको ढाँचा फरक भएकोले ठिक ढंगले मतदान गर्न सिकाउने उद्देश्यले नमुना मतदान गरिएको निर्वाचन कार्यालयले जनाएको छ। कार्यक्रममा जिल्लाका सुरक्षा निकायका प्रमुख, मुख्य निर्वाचन अधिकृत, निर्वाचन कार्यालयका कर्मचारी, म्यादी प्रहरीको उपस्थिति थियो।
