- वि.सं २o७९ कार्तिक २३ बुधबार
काठमाडौंमा हंगेरीका कलाकारले सांस्कृतिक प्रस्तुति दिएका छन् । नेपाल–हंगेरी चेम्बर्स अफ कमर्सले आयोजना गरेको ‘नेपाल–हंगेरी हिस्टोरिकल कल्चरल प्रोग्राम’मा हंगेरीका पाँचजना कलाकारले स्थानीय लोकगीत तथा नृत्य प्रस्तुत गरेका थिए ।
हंगेरीको रैथाने गीत–संगीतको प्रस्तुतिले नेपाल पर्यटन बोर्डको हललाई गुञ्जायमान बनाएको थियो । कार्यक्रममा नेपालको लोकसंस्कृति पनि प्रदर्शन गरिएको थियो । सन् २०१८ मा स्थापना भएको संस्थाले दुई देशबीचको बहुपक्षीय सम्बन्धलाई विस्तार गर्न विभिन्न कार्यक्रम गर्दै आएको छ ।
दुई देशबीचको संस्कृति आदान–प्रदान गरी सम्बन्धलाई सुमधुर बनाउन कार्यक्रमले सहयोग पुग्ने नेपाल–हंगेरी चेम्बर्स अफ कमर्सका महासचिव शान्तकुमार श्रेष्ठले बताए ।
