- वि.सं २o७९ कार्तिक २३ बुधबार
विदेशी बिमा कम्पनीको पोलिसी कपी नगर्न नेपाली बिमा कम्पनीहरूलाई बिमा प्राधिकरणका अध्यक्ष सूर्यप्रसाद सिलवालले निर्देशन दिएका छन् । नेपाल पुनर्बिमा कम्पनी नवाैँ वार्षिकोत्सवमा बोल्दै उनले पुनर्बिमा व्यवसायलाई अन्तर्राष्ट्रिय बजारमा व्यापक बनाउन आग्रह गरे । कम्पनीले मुलुकभित्रभन्दा पनि बाहिरी व्यवसायलाई थप आकर्षक बनाउन उनले सुझाव दिए । नेपाल र नेपालीलाई सुहाउँदो रचनात्मक पोलिसी निर्माण गर्नसमेत उनले सुझाव दिए ।
त्यस्तै, कार्यक्रममा बोल्दै नेपाल पुनर्बिमा कम्पनीका अध्यक्ष डा. रवीन्द्र घिमिरेले आगामी दिनमा पुनर्बिमा व्यवसाय थप चुनौतीपूर्ण बन्दै जाने बताए । वातावरण परिवर्तनका कारण विश्वमा नयाँ–नयाँ चुनौती थपिएका छन् । यसले बिमा व्यवसायमा नयाँ खालका जोखिम थपिएको छ । जसकारण आगामी दिनमा पुनर्बिमा व्यवसाय थप कठिन बन्ने उनले बताए ।
कार्यक्रममा बोल्दै नेपाल बिमक संघका अध्यक्ष एवम् सगरमाथा इन्स्योरेन्सका प्रमुख कार्यकारी अधिकृत चंकी क्षत्रीले नेपाल पुनर्बिमा कम्पनीलाई थप प्रतिस्पर्धी बनाउनुपर्ने बताए । कम्पनीमा नेपाल सरकार र बिमा कम्पनीको लगानी रहेको छ ।
