- वि.सं २o७९ कार्तिक १९ शनिबार
शनिबार जिल्लाको उमाकुण्ड गाउँपालिका वडा नं. ५ को प्रीतिमा ट्याक्टर पल्टिँदा ट्याक्टरमा सवार एकजनाको ज्यान गएको छ। लिखुको बेनीमेलामा गएर फर्किंदै गरेको लु ३ त २४९९ नम्बरको ट्याक्टर साबिकको प्रीति गाविसको संसारीडाँडा भन्ने ठाउँमा पल्टिँदा स्थानीय प्रेमबहादुर सुनुवारको घटनास्थलमै ज्यान गएको प्रहरीले जनाएको हो।
घटनामा अन्य तीनजना घाइते भएका छन्। घाइतेमध्ये एकजनाको अवस्था गम्भीर रहेको जिल्ला प्रहरी कार्यालय रामेछापका प्रहरी नायब उपरीक्षक राजकुमार थिङले जनकारी दिए। उनका अनुसार दुर्घटनामा परिचय नखुलेका अन्य व्यक्ति पनि सोही ट्याक्टरमा घर फर्किंदै गरेका तीनजना पनि घाइते भएका छन्।
घाइतेमध्ये एकजनाको अवस्था गम्भीर भएकाले उनको उपचारको लागि काठमाडौं पठाउने तयारी भइरहेको छ भने दुईजना स्थानीय प्राथमिक अस्पतालमा सामान्य उपचारपछि घर फर्किएका छन्।
