- वि.सं २o७९ असोज २३ आइतबार
हुम्लाको चंखेली गाउँपालिकास्थित वडा नम्बर ६ मेल्छाम गाउँमा घर भत्किँदा एकजनाको मृत्यु भएको छ भने ६ जना पुरिएका छन्। आइतबार बेलुका ७ बजेतिर घटेको घटनामा घरभित्रै पुरिएकाहरूको कुनै जानकारी नआएको मेल्छाम प्रहरीले जनाएको छ।
भत्किएको घर स्थानीय देउते कामीको रहेको जानकारी प्राप्त भएको छ। देउतेको परिवारमा रहेका ९ जनामध्ये २ जनालाई घाइते अवस्थामा उद्धार गरिएको र एक बालकको शव फेला परेको प्रहरीले जनाएको छ भने अरू सबैको अवस्था अज्ञात छ।
