- वि.सं २o७९ असोज १४ शुक्रबार
लेबनानको संसद् बुधबार सम्पन्न पहिलो चरणको मतदानबाट नयाँ राष्ट्रपति चयन गर्न असफल भएको छ । खराब वित्तीय संकटसँग जुधिरहेको लेबनानमा राष्ट्रपति चयनका लागि गरिएको मतदानमा अधिकांश सांसदले खाली मतपत्र खसालेका छन ।
बिहीबारको बैठकमा संसद्का एक सय २८ सदस्यमध्ये एक सय २२ सांसदले भाग लिएको र ६६ जनाले खाली मत खसालेका थिए । पूर्वराष्ट्रपति रेने मोवादका छोरा एवं क्रिस्चियन राजनीतिज्ञ मिचेल मोवाद अग्रपंक्तिमा देखिए पनि उनलाई मात्र ३६ मत परेको छ । यो मत पहिलो चरणको जितका लागि आवश्यक ८६ मतभन्दा निकै कम हो ।
