सिद्धार्थ बैंकले आफ्ना ग्राहकका लागि दसैँलक्षित ‘दसैँको बहार, क्यासब्याक उपहार’ योजना ल्याएको छ । डिजिटल बैंकलाई प्रोत्साहन गर्ने उद्देश्यले बैंकले यही असोज आठ गतेदेखि लागू हुने गरी सो योजना ल्याएको जनाएको हो ।

यस योजनाअन्तर्गत ग्राहकले असोज ८ देखि १४ गतेसम्मको डेबिट कार्ड प्रयोग गरी पहिलोपटक पिओएस वा अनलाइन कारोबार गर्दा दुई सय रुपैयाँसम्म क्यासब्याक पाइनेछ । यस योजनाले नगद भुक्तानीबाट डिजिटल भुक्तानीतर्फ आकर्षित गर्ने विश्वास बैंकले लिएको छ । साथै, यस्ता योजना निरन्तर लागू गर्दै जाने बैंकको भनाइ छ । हाल बैंकले देशभर चार एक्सटेन्सन काउन्टरसहित एक सय ९० वटा शाखा, एक सय १८ शाखारहित बैंकिङ सेवाबाट वित्तीय सेवा प्रदान गर्दै आइरहेको छ ।