हावा शुद्ध गर्ने स्नेक प्लान्ट

स्नेक प्लान्ट इन्डोर प्लान्ट हो । यसका विभिन्न प्रकार छन् । स्नेक प्लान्टले रातमा अक्सिजन फाल्ने भएकाले सुत्ने कोठामा राख्दा राम्रो मानिन्छ । यद्यपि, बैठक कोठाको सजावटमा पनि यो प्लान्टले सहयोग गर्छ । यसले आसपासको हावा शुद्ध गर्छ भन्ने वैज्ञानिक मान्यता पनि छ । त्यस्तै, यसले तनावरहित र ऊर्जावान् बनाउन सहयोग गर्छ । यसको बिरुवा पहिले पानीमा उमारेपछि मात्र माटोमा सार्नुपर्छ । 

स्नेक प्लान्टलाई हेरचाह गर्न गाह्रो छैन । यसलाई हल्का घामको आवश्यकता पर्छ समय–समयमा यसका पात काटिरहनु पर्छ । यो बिरुवालाई एकदमै सुक्खा हुन दिनुपर्छ । यसलाई महिनाको दुईपटक पानी हाल्दा पुग्छ । 

यसबाहेक एरिका पाम, पिस लिली, फिलोडेनड्रोन, पोथोस, चामाडोरा पाम, सिफोडिया पाम, फिलडल लिफ, रबर प्लान्ट, मोनेस्टेरा, फिलोडेन्ड्रनलगायत विभिन्न थरीका इन्डोर प्लान्ट्सका बिरुवा पनि रोप्न सकिन्छ । कोठालाई आकर्षक बनाउने, हावा शुद्धीकरण गर्ने र तपाईंलाई ऊर्जावान् बनाउने काममा पनि इन्डोर प्लान्ट्सको महत्वपूर्ण भूमिका रहन्छ ।