- वि.सं २o७९ असोज ४ मंगलबार
युट्युब
भारतीय सांगीतिक च्यानल टी–सिरिज युट्युबमा सर्वाधिक चर्चित छ । यस च्यानललाई २२ करोड ५० लाखभन्दा धेरैले सब्सक्राइब गरेका छन् । त्यस्तै, अमेरिकी शैक्षिक च्यानल कोको मेलोन नर्सरी राइम्सलाई १४ करोड ३० लाखभन्दा धेरैले फलो गरेका छन् । मनोरञ्जनात्मक सामग्री दिने सेट इन्डिया च्यानललाई १४ करोड २० लाखभन्दा धेरैले सब्स्क्राइब गरेका छन् ।
ट्विटर
अमेरिकाका पूर्वराष्ट्रपति बाराक ओबामा ट्विटरमा सर्वाधिक फलो गरिएका व्यक्ति हुन् । उनको एकाउन्टलाई १३ करोड ३२ लाखभन्दा धेरैले फलो गरेका छन् । दोस्रो स्थानमा गायक जस्टिन बिबर छन् । उनको एकाउन्टलाई ११ करोड ४० लाखभन्दा धेरैले फलो गरेका छन् । तेस्रो स्थानमा १० करोड ८९ लाखभन्दा धेरै फलोअरसहित गायिका केट पेरी छिन् ।
फेसबुक
फेसबुकमा सर्वाधिक धेरै फलोअर्स फेसबुक एपको छ । यस एपलाई १८ करोड १६ लाखभन्दा धेरैले फलो गरेका छन् । त्यस्तै, सामसुङ कम्पनीको पेजलाई १६ करोड २१ लाखभन्दा धेरैले फलो गरेका छन् । फुटबलर क्रिस्टियानो रोनाल्डोको पेजलाई १५ करोड ३० लाखभन्दा धेरैले फलो गरेका छन् ।
