- वि.सं २o७९ भदौ १७ शुक्रबार
केन्यासँगको तीन एकदिवसीय क्रिकेट शृंखलाको पहिलो म्याच सुरु भएको छ । नैरोबीस्थित जिमखाना मैदानमा टस जितेर केन्याले पहिले ब्याटिङ गरिरहेको छ ।
आजको खेलमा नेपालको कप्तानी रोहित पौडेलले गरिरहेका छन् । नियमित कप्तान सन्दीप लामिछानेको अनुपस्थितिमा रोहितले कप्तानी गरेका हुन् ।
नेपालको तर्फबाट आज रोहितसँगै ज्ञानेन्द्र मल्ल, करण केसी, सोमपाल कामी, दीपेन्द्रसिंह ऐरी, मोहम्मद आसिफ, सहाव आलम, पवन सर्राफ, मोहम्मद आदिल आलम, बसिर अहमद र अर्जुन साउद खेलिरहेका छन् ।
राष्ट्रिय टिमबाट अर्जुनको यो डेब्यु म्याच हो । उनी विकेटकिपर ब्याट्सम्यानको भूमिका टिममा परेका हुन् । यसअघि टी–२० शृंखलामा पाएको मौका सदुपयोग गर्दै अर्जुनले प्रभाव छाडेका थिए । त्यसैले उनलाई एकदिवसीय म्याचमा पनि मौका मिलेको हो ।
