Skip This
मिटरब्याजीहरूलाई कारबाहीको माग राख्दै नागरिक आन्दोलनकारीले आज माइतीघरबाट बालुवाटारसम्म मार्चपास गरेका छन् । नवलपरासीको सुस्ता गाउँपालिका र प्रतापपुर गाउँपालिकाको संयुक्त समितिले गठन गरेको संघर्ष समितिले मिटरब्याजीहरूलाई कारबाहीको माग राख्दै लामो समयदेखि काठमाडौंको माइतीघर मण्डलामा धर्ना दिँदै आएका थिए ।
तर, सरकारले माग पूरा नगरेको भन्दै नागरिक आन्दोलनकारीले आज बालुवाटार मार्चपास गरेका हुन् । पीडितहरूले मिटरब्याजीहरूलाई कारबाही गर्नुपर्ने, सहुलियतपूर्ण ऋणको व्यवस्था गर्नुपर्नेलगायतका मागहरू सरकारसँग राखेका छन्।
