Skip This
न्यून आय भएका वा विपन्न वर्गका व्यक्तिहरूलाई लक्षित गरी सञ्चालन गरिने बिमा नै ‘लघुबिमा’ हो । सामान्यतः साना आकारको बिमा नै लघुबिमा हो र साना आकारको बिमा गर्ने कम्पनी नै लघुबिमा कम्पनी हुन् । यस्ता कम्पनीले तोकिएको सीमाभन्दा माथि गएर बिमा गर्न पाउँदैनन् ।
न्यून आय भएका व्यक्तिको भविष्यमा हुन सक्ने जोखिमलाई लघुबिमाले वहन गर्छ । विश्वका अधिकांश देशमा लघुबिमा कम्पनी सञ्चालनमा छन् ।
नेपालमा भने पहिलोपटक लघुबिमा कम्पनी स्थापना गर्न लागिएको छ । हालै संसद्बाट पारित भएको बिमा ऐनमा पनि यो व्यवस्था छ । बिमा समितिले लघुबिमा कम्पनी स्थापनाका लागि प्रस्ताव आह्वान गरिसकेको छ ।
