- वि.सं २o७९ भदौ ३ शुक्रबार
अविरल वर्षापछि आएको बाढीले रोमछापको गोकुलगंगा गाउँपालिका– २ ठोसेमा साँझ पाँचवटा घर बगाएको छ ।बिहीबार दिनभरि पानी परेपछि ठोसेको एकामफेदी बाहुनटोलस्थित नासिङ खोलामा आएको बाढीले पाँच घर बगाएको हो ।
एकामफेदी बाहुनटोलका सन्तोष रोकाको भूकम्पपछि पुनर्निर्माण गरिएको दुईतले पक्की घर र ज्ञानबहादुर रोकाको भूकम्पपछि पुनर्निर्माण गरिएको दुईतले पक्की घर बगाएको छ । त्यसैगरी बाढीले रमेश रोकाको दुईतले पक्की घर र हरिबहादुर खत्री र धनलक्ष्मी गुरागाईंको ढुंगामाटोले निर्माण गरेको एकपाखे घरसमेत खोलाले बगाएको छ ।
घर बगाए पनि मानवीय क्षति भने नभएको जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङले जानकारी दिए । घरवारविहीन परिवार अहिले छिमेकीको घरमा शरण लिएर बस्दै आएका छन् ।
