- वि.सं २o७९ श्रावण ३० सोमबार
नेपालस्थित भारतीय दूतावासले भारतको ७६औँ स्वतन्त्रता दिवस मनाएको छ। काठमाडौंको लैनचौरमा रहेको भारतीय दूतावासले सोमबार एक समारोह आयोजना गरी स्वतन्त्रता दिवस मनाएको हो।
भारतीय झन्डा फहराएर सुरु गरिएको कार्यक्रममा दूतावासका काउन्सिलर प्रसन्न श्रीवास्तवले भारतीय राष्ट्रपति द्रौपदी मुर्मूले राष्ट्रको नाममा दिएको सन्देश पढेर सुनाएका थिए।
कार्यक्रममा भारतीय सशस्त्र बलका दिवंगत सैनिकका श्रीमती र निकटतम नातेदारहरूलाई २.६५ करोड रुपैयाँ प्रदान गर्दै सम्मान गरिएको थियो। त्यस अवसरमा भारतीय स्वतन्त्रता आन्दोलनमा वीरगति प्राप्त गरेकाहरूको सम्मानमा गीत, संगीत प्रस्तुत गरिएको थियो।
