निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १७ सोमबार
  • Monday, 03 October, 2022
नयाँ पत्रिका काठमाडौं
२०७९ श्रावण ३० सोमबार ०६:११:००
Read Time : > 1 मिनेट
फ्रन्ट पेज प्रिन्ट संस्करण

साढे दुई वर्षदेखि नेपालमा ट्रान्जिट भिसा बन्द, राजस्व गुम्यो, यात्रुलाई पनि सास्ती

Read Time : > 1 मिनेट
नयाँ पत्रिका, काठमाडौं
२०७९ श्रावण ३० सोमबार ०६:११:००

 कोरोना महामारीले प्रभावित अन्तर्राष्ट्रिय उडान नियमित अवस्थामा फर्किए पनि नेपालमा ट्रान्जिट भिसा भने साढे दुई वर्षदेखि बन्द छ । ०७६ को चैतदेखि सरकारले अन्तर्राष्ट्रिय उडान बन्द गरेसँगै रोकिएको ट्रान्जिट भिसा खोल्नेबारे निर्णय भएको छैन । सरकारको बेवास्ताले ट्रान्जिट भिसा सुचारु हुन नसक्दा एकातर्फ भिसा राजस्व गुमेको छ भने अर्काेतर्फ पर्यटन क्षेत्रमा पनि त्यसको असर परेको छ । सरकारले हवाई उडानसम्बन्धी सबै प्रतिबन्ध हटाइसकेको छ । 

प्रतिबन्ध हटाउने निर्णयबारे प्रस्टता नभएपछि अध्यागमनले यससम्बन्धी निर्णय गर्न गृह मन्त्रालयलाई हालै आग्रह गरेको छ । ‘कोभिड महामारी भएयता ट्रान्जिट भिसा बन्द छ,’ अध्यागमन विभागका प्रवक्ता अञ्जन न्यौपानेले भने, ‘यसलाई नखुलाउँदा धेरै नोक्सान भइरहेको छ भन्ने आधारमा खुलाउन गृह मन्त्रालयलाई लेखिपठाएका छौँ ।’


अध्यागमन विभागका प्रवक्ता अञ्जन न्यौपाने भन्छन् ‘कोभिड महामारी भएयता ट्रान्जिट भिसा बन्द छ, यसलाई नखुलाउँदा धेरै नोक्सान भइरहेको छ भन्ने आधारमा खुलाउन गृह मन्त्रालयलाई लेखिपठाएका छौँ ।’

अध्यागमन नियमावलीमा ट्रान्जिट भिसासम्बन्धी प्रावधान छ । जसअनुसार २४ घन्टाका लागि अध्यागमनले पाँच डलरमा एकदिने ट्रान्जिट भिसा दिन्छ । नेपालको विमानस्थलमा ट्रान्जिट भएर घन्टौँ कुर्ने यात्रु यस्तो भिसामा घुम्न सक्छन् । यसले भिसा शुल्क संकलन हुनुका साथै पर्यटन उद्योगलाई पनि फाइदा हुने अवस्था छ । कतिपय देशका विमानस्थलले ट्रान्जिट यात्रुबाटै ठूलो लाभ उठाउँदै आएका छन् ।

हाल नेपाल ट्रान्जिट पर्ने यात्रु विमानस्थलमै बस्न बाध्य छन् । विमानस्थलस्थित अध्यागमन कार्यालयका प्रमुख पुष्पराज शाही बन्द रहेको ट्रान्जिट भिसा खुलाउन पहल भइरहेको बताउँछन् । यस्तो भिसा बन्द हुँदा भिसा शुल्कसमेत गुमेको छ । अर्कोतर्फ ट्रान्जिट यात्रुलाई विमानस्थलमा भौतिक पूर्वाधारसमेत नभएको उनी बताउँछन् । ट्रान्जिट यात्रु अन्य नियमित यात्रुजस्तै विमानस्थलबाट चेकजाँच गरेर छिर्नुपर्ने अवस्था रहेको उनी बताउँछन् ।

त्रिभुवन अन्तर्राष्ट्रिय विमानस्थल नागरिक उड्डयन कार्यालयका महाप्रबन्धक प्रेमनाथ ठाकुर नेपालको विमानस्थल ट्रान्जिट विमानस्थल नभएकाले उनीहरूका लागि छुट्टै व्यवस्थापन नगरिएको बताउँछन् ।