सांसदहरूले पेट्रोलियम पदार्थको मूल्य तत्काल समायोजन गर्न सरकारको ध्यानाकर्षण गराएका छन् । अन्तर्राष्ट्रिय बजारमा पेट्रोलियम पदार्थको मूल्य घटिसक्दा पनि नेपालमा नघटाइएको भन्दै सांसदहरूले सरकारको आलोचना गरेका छन् ।
राष्ट्रिय सभाको आजको बैठकमा विशेष समय लिएर बोल्ने सांसदहरूले भारतबाट दुईपटक मूल्य घटेर आइसक्दा पनि यहाँ मूल्य समायोजन नभएको भन्दै तत्काल मूल्य घटाउन सरकारको ध्यानाकर्षण गराए ।
सांसद दिलकुमारी रावल थापा, दीपा गुरुङ, खिमलाल देवकोटा, गोमादेवी तिमल्सिनालगायतले शून्य समयमा विभिन्न विषयमा बोलेका थिए । सांसद थापाले वर्तमान सरकार जनउत्तरदायी हुन नसकेको आरोप लगाउँदै मूल्यवृद्धि नियन्त्रण गर्नसमेत माग गरिन् ।
See More On
