धादिङका १३ स्थानीय तहमा एक अर्ब एक करोड ९३ लाख ४२ हजार रुपैयाँ बेरुजु देखिएको छ । आर्थिक वर्ष ०७७/७८ मा महालेखापरीक्षकको कार्यालयले गरेको लेखापरीक्षणका क्रममा बेरुजु देखिएको हो । 

कार्यालयले १३ वटै पालिकाबाट १६ अर्ब ४४ करोड ३० लाख ४३ हजारको लेखापरीक्षण गरेको थियो । स्वमूल्यांकन प्रणालीमा देशकै उत्कृष्ट बनेको नीलकण्ठ नगरपालिकामा सबैभन्दा बढी बेरुजु देखिएको छ । स्थानीय तह सुशासन स्वमूल्यांकनमा ९७ अंक पाएर देशकै उत्कृष्ट बनेको नीलकण्ठ नगरपालिकामा बेरुजु प्रतिशत १६ दशमलव १ पाइएको छ ।