मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २०७९ मङ्सिर २० मंगलबार
  • Tuesday, 06 December, 2022
फाइल तस्बिर
२०७९ श्रावण ११ बुधबार २०:२८:००
Read Time : < 1 मिनेट
समाचार डिजिटल संस्करण

जबर्जस्ती करणी र बाल यौन दुरुपयोगको अभियाेगमा छजना कारागार चलान 

Read Time : < 1 मिनेट
२०७९ श्रावण ११ बुधबार २०:२८:००

ताप्लेजुङ जिल्ला अदालतले जबर्जस्ती करणी र बाल यौन दुरुपयोगको अभियोगमा चार पुरुष र दुई महिला गरी छजनालाई पुर्पक्षका लागि कारागार चलान गरेको छ । १४ वर्षीया बालिकालाई जबर्जस्ती करणी र बाल यौन दुरुपयोग गरेको अभियोगमा अनुसन्धानमा रहेका छजनालाई पुर्पक्षका लागि कारागार चलान गरिएको हो । 

ताप्लेजुङ जिल्ला अदालतका श्रेस्तेदार शम्भुप्रसाद रेग्मीका अनुसार तीन पुरुषलाई जबर्जस्ती करणी, मानव बेचबिखन तथा ओसारपसारसम्बन्धी मुद्दा र  १ पुरुषलाई जबर्जस्ती करणी, मानव बेचबिखन तथा ओसारपसारसम्बन्धी अभियोगमा मतियार बनेको तथा दुई महिलालाई मानव बेचबिखन तथा ओसारपसारसम्बन्धी कार्य गरी बाल यौन दुरुपयोग गरेको अभियोगमा अनुसन्धान गरी अदालतमा पेस गरिएको थियो । उनीहरूलाई कानुनअनुसार अदालतले पुर्पक्षका लागि थुनामा राख्न आदेश दिएको श्रेस्तेदार रेग्मीले  बताए ।    

अदालतको आदेशबमोजिम चार पुरुष ताप्लेजुङ कारागार चलान भएका छन् भने ताप्लेजुङमा महिला कारागार नभएका करण दुई महिलालाई पाँचथर कारागार पठाइएको बताइएको छ ।