- वि.सं २o७९ श्रावण ११ बुधबार
गुल्मीमा १२ वर्षीया बालिका बलात्कार गरेको आरोपमा एक पुरुष पक्राउ परेका छन् । जिल्लाको इस्मा गाउँपालिका– ४ दोहली कुबिन्देका ३७ वर्षीय भूपाल अधिकारीलाई बालिका बलात्कार गरेको आरोपमा पक्राउ गरिएको हो ।
पक्राउ गरेर थप अनुसन्धान भइरहेको जिल्ला प्रहरी कार्यालय गुल्मीका प्रवक्ता प्रहरी नायव उपरीक्षक माधवराज खरेलले जानकारी दिए । अधिकारीले मंगलबार फुपूको घरमा आएका वेला बालिकालाई फकाइफुल्याई खरबारीमा लगेर बलात्कार गरेको प्रहरीले जनाएको छ ।
बलात्कारपछि फरार आरोपित अधिकारीलाई खोजतलासपछि पक्राउ गरिएको खरेलले बताए ।
