- वि.सं २o७९ श्रावण ७ शनिबार
सोलुखुम्बुमा विद्युत् सर्ट हुँदा एक घर जलेर नष्ट भएको छ। जिल्लाको नेचा सल्यान गाउँपालिका वडा नं ५ स्थित खालिङमा गएराति विद्युत् सर्ट भई आगलागी हुँदा स्थानीय इन्द्रबहादुर राईको घर जलेर नष्ट भएको हो।
राईको ढुंगामाटोले बनेको टिनले छाएको दुईतले घरसँगै अन्नपात, लत्ताकपडा, भाँडावर्तन जलेको इलाका प्रहरी कार्यालय नेचाले जनाएको छ। प्रहरी कार्यालयका सइ गणेशकुमार श्रेष्ठका अनुसार आगलागीबाट करिब १२ लाख रुपैयाँबराबरको क्षति भएकोे छ।
रातिबाट नै सुरु भएको आगलागी घर लजेर पूर्ण रूपमा नष्ट भएपछि मात्रै बिहान करिब ६ बजे नियन्त्रणमा आएको प्रहरीले जनाएको छ। पानीको अभाव हुँदा आगो नियन्त्रणमा समस्या भएको थियो।
