- वि.सं २o७९ असार १ बुधबार
प्रतिनिधिसभाको बुधबारको बैठकमा शिक्षा तथा स्वास्थ्य समितिको वार्षिक प्रतिवेदन पेस गरिएको छ । शिक्षा तथा स्वास्थ्य समितिकी सभापति जयपुरी घर्तीले कोभिड संक्रमणका कारण गत वर्ष पेस हुन नसकेको समितिको वार्षिक प्रतिवेदन २०७८ र यस वर्षको प्रतिवेदन २०७९ प्रतिनिधिसभा बैठकमा पेस गरेकी हुन् ।
प्रतिवेदनमा कोभिड महामारी नियन्त्रणका लागि प्रभावकारी कदम चाल्न सरकारलाई निर्देशन दिइएको छ । यस्तै, बाह्य मुलुकमा मेडिकल शिक्षा अध्ययनका लागि जाने विद्यार्थीका लागि सहज वातावरण निर्माण गर्न, मेडिकल शिक्षा अध्ययनका लागि बढी शुल्क असुली गर्ने कलेजहरूलाई कारबाही गर्न सरकारलाई सचेत गराइएको प्रतिवेदनमा उल्लेख गरिएको छ ।
