- वि.सं २o७९ जेठ २८ शनिबार
भूकम्पको धक्काले निदाइरहेका उपत्यकाबासी बिउँझिए पनि घर बाहिर भने निस्कनु परेन
भक्तपुर जिल्लाको चाँगुनारायण आसपास केन्द्रबिन्दु भएर भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार आज बिहान २ बजेर ३६ मिनेट जाँदा भक्तपुरको चाँगुनारायण आसपास केन्द्रबिन्दु भएर ४.७ रेक्टरस्केलको भूकम्प गएको हो । उक्त भूकम्प गोरखा भूकम्पको परकम्प भएको केन्द्रले जनाएको छ।
केन्द्रका भूकम्पविद् सुजनकुमार सुवेदीले विसं २०७२ वैशाख १२ गते गोरखा भूकम्पपछि नेपालमा ४ रेक्टरस्केलभन्दा माथिका ५८३ परकम्प गएको बताए । उक्त भूकम्पको धक्का काठमाडौँ उपत्यकाका साथै आसपासका जिल्लामा समेत महसुस गरिएको थियो ।
भूकम्पको धक्काले सुतिरहेका उपत्यकाबासी बिउँझिएका थिए । निदाइरहेकाे समयमा परकम्प गएकाे मानिसले थाहा पाए पनि घर बाहिर भने निस्कनु परेन ।
