- वि.सं २o७९ जेठ ११ बुधबार
पूर्व–पश्चिम राजमार्गअन्तर्गत झापाको शिवसताक्षी- १ मा बसको ठक्करबाट मोटरसाइकलमा सवार दुईजनाको मृत्यु भएको छ । मृत्यु हुनेमा मोरङ पथरी–शनिश्चरे- ८ का ३० वर्षीय प्रकाश राई र भोजपुर षडानन्द नगरपालिकाका २५ वर्षीय टोचोहाङ राई रहेको प्रहरीले जनाएको छ ।
मृत्यु हुने प्रकाश राई प्रहरी जवान रहेको खुलेको छ । उनी जिल्ला प्रहरी कार्यालय झापामा कार्यरत रहेको प्रहरीले जानकारी दिएकाे छ ।
पश्चिमबाट पूर्वतर्फ आउँदै गरेको को.१ख ७१८७ नम्बरकाे बसले विपरीत दिशाबाट आइरहेको प्रदेश–१–०२–०४० प ७१४९ नम्बरकाे मोटरसाइकललाई ठक्कर दिएको थियो । बसको ठक्करबाट दुवैजनाको घटनास्थलमै मृत्यु भएको इलाका प्रहरी कार्यालय झिलझिलेले जनाएको छ ।
