१८औँ वार्षिकोत्सव विशेषांकफ्रन्ट पेजमुख्य समाचारसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७९ जेठ ९ सोमबार
  • Wednesday, 02 July, 2025
२o७९ जेठ ९ सोमबार १६:५o:oo
Read Time : < 1 मिनेट
समाचार डिजिटल संस्करण

दमकका मेयरको मन्दिरमा कसम : भ्रष्टाचार गर्दिनँ, गर्न पनि दिन्नँ

Read Time : < 1 मिनेट
नयाँ पत्रिका
२o७९ जेठ ९ सोमबार १६:५o:oo

दमक नगरपालिकाका नवनिर्वाचित मेयर राम थापाले पदभार ग्रहण गर्नुअघि मन्दिरमा कसम खाएका छन्। उनले आफू भ्रष्टाचार नगर्ने र गर्न पनि नदिने भनी स्थानीय दुर्गा मन्दिरमा कसम खाएका हुन्।

राप्रपाबाट निर्वाचित उनले पार्टीको निर्देशन भन्दै पार्टीबाट निर्वाचित जनप्रतिनिधिसहित मन्दिरमा कसम खाएका हुन्। ‘नगरपालिका शासन गर्ने थलो हाेइन, सेवा गर्ने थलो हो। यहाँ जनताको सेवा गर्न आएको हुँ,’ उनले भने, ‘हाम्रो पार्टीको निर्देशनअनुसार उम्मेदवार बन्नुपूर्व नजिकको मठमन्दिरमा गएर प्रण गर्‍याैँ। निर्वाचित भएपछि पनि पदमा रहुन्जेल भ्रष्टाचार गर्दिनँ भनेर गरेका हौँ।’

नगरपालिकाको पछाडिपट्टि रहेको दुर्गा मन्दिरमा आफ्नो पार्टीबाट निर्वाचित जनप्रतिनिधिसहित थापा सोमबार पदभार ग्रहण गर्नुपूर्व पुगेका थिए।