- वि.सं २o७९ जेठ ५ बिहीबार
रुपन्देहीको सिद्धार्थनगर नगरपालिकाको नगरप्रमुखमा गठबन्धन र उपप्रमुखमा नेकपा एमालेका उम्मेदवार विजयी भएका छन् । नगरप्रमुखमा गठबन्धनका तर्फबाट कांग्रेसका इस्तियाक अहमद खान विजयी भएका हुन् ।
उनी नौ हजार एक सय ३४ मत प्राप्त गरी विजयी भएका छन् । उनका निकटतम् प्रतिद्वन्द्वी राप्रपाका सागरप्रताप राणाले आठ हजार एक सय ३७ मत प्राप्त गरेका थिए । एमालेका डा. रामप्रसाद बस्याल सात हजार तीन सय पाँच मत प्राप्त गरी तेस्रो स्थानमा रहे । यो नगरपालिका यसअघि एमालेले जितेको थियो ।
यस्तै, उपप्रमुखमा भने एमालेकी उमा अधिकारी विजयी भएकी छिन् । उनले आठ हजार आठ सय १३ मत प्राप्त गरेकी थिइन् । उनकी प्रतिस्पर्धी राप्रपाकी विनिता गुप्ताले ६ हजार पाँच सय ४४ मत पाइन् । निर्वाचनमा गठबन्धनबाट उम्मेदवार बनेकी कमला थापा तेस्रो स्थानमा पुगेकी छिन् ।
