- वि.सं २o७९ जेठ ३ मंगलबार
सिन्धुपाल्चोकको सदरमुकामसमेत रहेको चौतारा साँगाचोकगढी नगरपालिकामा माओवादी केन्द्र र एकीकृत समाजवादीको गठबन्धन विजयी भएका छन् । माओवादी केन्द्रका कृष्णप्रसाद सापकोटा मेयरमा र एकीकृत समाजवादीकी सीता थापा उपमेयरमा निर्वाचित भएका हुन् ।
सापकोटाले ११ हजार ७२ मत ल्याएका छन् । उनका प्रतिद्वन्द्वी एमालेका इन्द्र नेपालले ६ हजार सात सय ८५ मत ल्याए । उपमेयरमा थापाले नौ हजार सात सय २६ मत ल्याइन् । प्रतिस्पर्धी एमालेकी बालकुमारी सापकोटाले ६ हजार आठ सय ७७ मत प्राप्त गरिन् ।
