- वि.सं २o७९ जेठ २ सोमबार
सोलुखुम्बुको महाकुलुङ गाउँपालिकाको अध्यक्ष र उपाध्यक्ष पदमा नेपाली कांग्रेसका उम्मेद्वार विजयी बनेका छन् । अध्यक्षमा कांग्रेसका सूर्यबहादुर कुलुङ दुई हजार एक सय मत र उपाध्यक्षमा पनि कांग्रेसकै विपना कुलुङ एक हजार नौ सय २९ मतसहित विजयी भएको निर्वाचन अधिकृत टेकनाथ अधिकारीले बताए ।
उनका अनुसार सूर्यका निकटतम प्रतिस्पर्धी माओवादी केन्द्रका सागर किराँतीले एक हजार ६ सय २६ मत प्राप्त गरेका छन् भने माओवादीकी उपाध्यक्ष छविमाया कुलुङले एक हजार चार सय ८३ प्राप्त गरेकी छिन् ।
यस्तै, नेकपा एमालेका भक्त कुलुङले अध्यक्षमा एक हजार चार सय ५२ र उपाध्यक्षमा शुभधनी कुलुङले एक हजार सात सय ३३ मत प्राप्त गरेको निर्वाचन समितिले जनाएको छ ।
