- वि.सं २o७९ जेठ १ आइतबार
सिराहा नगरपालिका– १० को वडाध्यक्षमा नेकपा एमालेका दीपक मुखियाको प्यानलै विजयी भएको छ । वडाध्यक्षमा निर्वाचित मुखियाले आठ सय ५३ मत प्राप्त गरेका छन् ।
उनका निकटतम् प्रतिद्वन्द्वी नेपाली कांग्रेसका धनिकलाल कामतीले तीन सय ४८, जनता समाजवादी पार्टी नेपालका जुगलकिशोर कामतीले तीन सय एक मत प्राप्त गरेका छन् ।
मुखिया स्थानीय तह निर्वाचन २०७४ मा जसपाका जुगलकिशोर कामतीसँग एक सय ७१ मत अन्तरले पराजित भएका थिए । यसपटक मुखियाले ठूलो मतान्तरले विजयी भएका छन् । वडा सदस्यहरूमा कृष्णदेवलाल कर्ण, नारायण मुखिया मलाह, गिरिजादेवी पासमान र परमेश्वरीदेखी खत्वे निर्वाचन भएका छन् ।
