- वि.सं २o७९ बैशाख ३१ शनिबार
काभ्रेमा ४ वटा वडाको अन्तिम परिणाम आएको छ । जसमध्ये कांग्रेस र माओवादी केन्द्र २–२ वडामा विजयी भएका छन् ।
निर्वाचन अधिकृतका अनुसार धुलिखेल नगरपालिका–१ र बेथानचोक गाउँपालिका–१ मा कांग्रेसका उम्मेदवार विजयी भएका हुन् ।
धुलिखेल–१ मा कांग्रेसका सन्तबहादुर लामा र बेथानचोक–१ मा कांग्रेसका उममेदवार मधुसुदन तिमल्सिना विजयी भएका छन् । धुलिखेल–१ मा लामाले ५ सय ७३ मत प्राप्त गरी विजयी भएका छन् भने निकटतम प्रतिद्वन्दी एमालेका बाबु तामाङले ४ सय ६७ मत ल्याएका छन् ।
बेथानचोक–१ का तिमल्सिनाले ५ सय ७ मत प्राप्त गरेका छन् भने निकटतम प्रतिद्धन्दी एमालेका डण्डप्रसाद दाहालले ४ सय ९८ मत प्राप्त गरेका छन् ।
यस्तै, महाभारत गाउँपालिका वडा–१ र भुम्लु गाउँपालिकामा माओवादी केन्द्रका उम्मेदवार वडाध्यक्षमा विजयी भएका छन् । महाभारत–१ मा माओवादी केन्द्रका कान्छामान जिम्बा र भुम्लु गाउँपालिका–१ मा माओवादी केन्द्रकै लेखबहादुर श्रेष्ठ निर्वाचित भएका हुन् ।
महाभारत–१ मा जिम्बाले ७ सय २० प्राप्त गरी विजयी भएका छन् भने कांग्रेसका ताराबहादुर रानामगरले ३ सय २१ र एमालेका सुविदार श्रेष्ठले २२ मत प्राप्त गरेका छन् ।
भुम्लु–१ मा लेखबहादुरले ९ सय ९४ प्राप्त गरी विजयी हुँदा एमालेका छत्रबहादुर श्रेष्ठले ५ सय ४४ मत प्राप्त गरेका छन् ।
