- वि.सं २o७९ बैशाख ३१ शनिबार
काभ्रेको धुलिखेल नगरपालिका वडा नं. १ मा नेपाली कांग्रेसका उम्मेदवार वडाध्यक्ष निर्वाचित भएका छन्। निर्वाचन कार्यालय धुलिखेलका अनुसार नेपाली कांग्रेसका उम्मेदवार सन्तबहादुर तामाङ विजयी भएका हुन्। यद्यपि, घाषणा हुन भने बाँकी नै छ।
कांग्रेस उम्मेदवार सन्तबहादुरले ५ सय ७३ मत प्राप्त गर्दा एमालेका बाबु तामाङले ४ सय ६७ मत प्राप्त गरेका छन्। एमालेका बाबुलाई १ सय ६ मतले पछाडि पादै सन्तले कांग्रेसको तर्फबाट काभ्रेमा खाता खोलेका छन्। कुल १ हजार ६ सय १ मतदाता रहेकोमा एक हजार २ सय ६९ मत खसेको थियो।
यस वडाबाट स्वतन्त्र उम्मेदवार विदुर बस्नेतलाई ज्रेवा चिन्हमा ५ सय ७२ मत प्राप्त हुँदा एमालेका अशोक ब्याञ्जुले ४ सय ६७ मत मात्रै प्राप्त गरेका छन्। यस वडामा एमालेका ब्याञ्जुलाई स्वतन्त्र उम्मेदवार बस्नेतले १ सय ५ मतले पछि पारेका छन्।
उपमेयरमा यस वडाबाट कांग्रेस उम्मेदवार निराजन जंगमले ५ सय ८७ मत प्राप्त गरेका छन् भने एमालेका लालताराले ४ सय ८२ मत प्राप्त गरेकी छिन्। अघिल्लो निर्वाचनमा यस वडा एमालेले जितेको थियो।
