- वि.सं २o७९ बैशाख १३ मंगलबार
विराटनगर महानगरपालिकाको आयोजनामा सम्पन्न अन्तरमेयर कप नगरपालिकास्तरीय क्रिकेट प्रतियोगिताका विजयी खेलाडीलाई आइतबार राजविराज नगरपालिकाले सम्मानित गरेको छ ।
राजविराज नगरपालिकाका प्रमुख प्रशासकीय अधिकृत भोगेन्द्रप्रसाद यादवले १८ खेलाडी तथा अफिसियललाई जनही १५ हजारबराबरको क्रिकेट सामग्री हस्तान्तरण गरेका छन् ।
खेलाडीले क्रिकेट ब्याट, प्याड, ब्याटिङ ग्लोब्स, थाई गार्ड र किट ब्यागलगायत खेल सामग्री पाएका छन् । प्रतियोगिताको फाइनलमा राजविराज नगरपालिकाले जनकपुर उपमहानगरपालिकालाई १० रनले पराजित गर्दै उपाधि जितेको थियो ।
