एकीकृत समाजवादीले टुंग्यायो महानगर र उपमहानगरमा उम्मेदवार

Read Time : < 1 मिनेट

नयाँ पत्रिका, काठमाडौं

नयाँ पत्रिका

२o७९ बैशाख १२ सोमबार १२:२१:oo

नेकपा (एकीकृत समाजवादी)ले महानगरपालिका र उपमहानगरपालिकामा पार्टीको तर्फबाट उम्मेदवार टुंग्याएको छ। सोमबार बसेको केन्द्रीय सचिवालय बैठकले गठबन्धनको निर्णयअनुसार पार्टीलाई प्राप्त महानगर र उपमहानगरमा उम्मेदवार टुंग्याएको हो।

पोखरा महानगरको मेयरमा धनराज आचार्य, हेटौँडा उपमहानगरको मेयरमा मीना लामा, काठमाडौं महानगरको उपमेयरमा रामेश्वर श्रेष्ठ, इटहरी उपमहानगरको उपमेयरमा केशवकुमार विष्ट, बुटवल उपमहानगरको उपमेयरमा चिनबहादुर गुरुङ र तुलसीपुर उपमहानगरको उपमेयरमा जोगबहादुर रानामगरलाई उम्मेदवार बनाउने निर्णय भएको महासचिव बेदुराम भुसालले जारी गरेको विज्ञप्ति उल्लेख छ।

तालमेलको सहमति भएका स्थानमा सहमतिअनुसार मात्रै उम्मेदवारी दिने र बाँकी स्थानमा भने पार्टीको तर्फबाट उम्मेदवारी दिने निर्णय भएको जारी विज्ञप्तिमा उल्लेख छ।