- वि.सं २o७९ बैशाख १ बिहीबार
भूमि व्यवस्था, सहकारी तथा गरिबी निवारणमन्त्री शशि श्रेष्ठले पछिल्लो चार महिनामा करिब २१ हजार लालपुर्जा वितरण गरिएको बताएकी छिन् । माओवादी केन्द्र काठमाडौं महानगरपालिका– १३ को सम्पर्क कार्यालय उद्घाटन गर्दै उनले यस्तो जानकारी दिएकी हुन् ।
मन्त्री श्रेष्ठले भूमिहीनलाई प्रक्रिया पुर्याएर छिट्टै जग्गा वितरण गरिने र अव्यवस्थित बसोवासलाई व्यवस्थापन गरिने बताइन् । मुलुकको समृद्धिका लागि कृषि उत्पादनको ठूलो महत्व रहेकाले कृषियोग्य जमिनलाई चक्लाबन्दी गरिने योजना रहेको उनको भनाइ थियो ।
पार्टीका महानगर इन्चार्ज एवं पूर्वराज्यमन्त्री दिलीप महर्जनले आफ्नो पार्टीको नेतृत्वमा मुलुकमा राजनीतिक परिवर्तन भएकाले जनपक्षीय नीति कार्यान्वयन गर्न अहिले माओवादी केन्द्रलाई जिताउन खाँचो रहेको बताए ।
