- वि.सं २o७८ चैत ३० बुधबार
स्रोत नखुलेको तीन लाख आठ हजार भारतीय रुपैयाँसहित चारजना पक्राउ परेका छन् । मंगलबार साँझ भारतबाट नेपालतर्फ आउँदै गर्दा तीन लाख आठ हजार पाँच सय भारतीय रुपैयाँसहित दुई भारतीय र दुई नेपाली नागरिक गरी चारजना पक्राउ परेका हुन् ।
पक्राउ पर्नेमा भारत बिहार राज्यको सहरसा जिल्लाका ३७ वर्षीय अभिनाश मुखिया र २९ वर्षीय विष्णुदेव मुखिया तथा सुनसरीको बर्जु गाउँपालिका– १ का ३८ वर्षीय सुरज ऋषिदेव र ३८ वर्षीया शिवकुमारी ऋषिदेव रहेका छन् । पक्राउ परेका चारैजनालाई इलाका प्रहरी रानीको टोलीले चेकजाँचका क्रममा पक्राउ गरेको थियो । पक्राउ परेका सबैलाई थप अनुसन्धानका लागि राजस्व कार्यालय इटहरीको जिम्मा लगाएको मोरङ प्रहरी प्रवक्ता डिएसपी दीपक श्रेष्ठले जानकारी दिए ।
