- वि.सं २o७८ चैत १६ बुधबार
पछिल्लो २४ घण्टामा नेपालमा थप २६ जनामा कोरोना भाइरस संक्रमण पुष्टि भएको छ। पाँँच हजार १९२ जनामा परीक्षण गर्दा सो संख्यामा संक्रमित देखिएका हुन्। पिसिआर विधिबाट तीन हजार ९४० र एन्टिजेन विधिबाट एक हजार २५२ नमुना परीक्षण गर्दा क्रमशः २५ र १ गरी २६ संक्रमित थपिएका हुन्।
यस अवधिमा ७७ जना संक्रमणमुक्त भएका छन् भने मृत्यु हुनेको संख्या शून्य रहेको छ। आज देशभर ७१ हजार ७२ जनाले कोरोनाविरुद्धको खोप लगाएका छन्। अब नेपालमा एक हजार १४६ सक्रिय संक्रमित रहेका स्वास्थ्य तथा जनसंख्या मन्त्रालयले जनाएको छ।
