Skip This
लोसपा अध्यक्ष महन्थ ठाकुरले सांस्कृतिक रूपले निर्णायक क्षणमा आफूहरूलाई बाहिर राखिएको गुनासो गरेका छन् । मधेस आन्दोलनमा उठाइएको मुद्दा केही सम्बोधन भएको र केही बाँकी रहेको अवस्थामा आफूहरूलाई बाहिर राख्ने काम भएको उनले बताए ।
संघर्ष गरेरै पीडितको मुद्दा सम्बोधन गराउने उनको जिकिर छ । लोसपा केन्द्रीय सचिवालयले वीरगन्जमा आयोजना गरेको प्रदेशस्तरीय प्रशिक्षण कार्यक्रममा उनले विभिन्न किसिमको मुद्दा लगाइएका नेताहरू अदालतमा तारिख धाइरहेको, केही नेता तथा कार्यकर्ता जेलमा रहेको बताए ।
उनीहरूको न्यायका लागि संघर्षको विकल्प नभएको ठाकुरले जोड दिए । उनले मधेस आन्दोलनको क्रममा लगाइएको मुद्दा फिर्ता लिन र नागरिकताको समस्या समाधानका लागि पहल गर्न सरकारसँग आग्रह गरे ।
कार्यक्रममा लोसपाका वरिष्ठ नेता राजेन्द्र महतोले मधेसमा शोषण उत्पीडनमा परेका जनताको लागि पार्टी गठन भएको दाबी गरे । उनले आवश्यकताको आधारमा चुनावी तालमेल गर्न सकिने पनि बताए ।
