श्रीमानको कुटाइबाट श्रीमतीको मृत्यु

Read Time : < 1 मिनेट

नयाँ पत्रिका, बनियानी

नयाँ पत्रिका

२o७८ चैत ४ शुक्रबार ११:४३:oo

झापाको बिर्तामोड नगरपालिकामा श्रीमानको कुटपिटबाट श्रीमतीको मृत्यु भएको छ। बिर्तामोड– ५ का ४० वर्षीय कमल राउतले कुटपिट गर्दा ३९ वर्षीया खेमजुङ गुरुङको मृत्यु भएको हो। गएराति राउतले घरायसी विवाद हुँदा खेमजुङलाई कुटपिट गरेको जिल्ला प्रहरी कार्यालयले जनाएको छ।

कुटाइबाट गम्भीर घाइते उनको बिर्तामोडस्थित कन्काई अस्पतालमा उपचार सम्भव नभएपछि थप उपचारका लागि विराटनगरस्थित नोबेल अस्पताल लगिएको थियो। नोबेल अस्पतालमा पनि उपचार हुन नसकेपछि आफन्तले बिर्तामोडस्थित माइती घर ल्याएकामा गएराति मृत्यु भएको हो। घटनाबारे इलाका प्रहरी कार्यालय अनारमनीले अनुसन्धान अघि बढाएको जनाएको छ। रासस

#हत्या