- वि.सं २o७८ चैत २ बुधबार
चितवनको भरतपुरमा पहिलोपटक ९ चैतदेखि कृषि कर्जा मेला आयोजना हुने भएको छ । आर एन्ड डी इन्नोभेसन सोलुसन र नेपाल कृषि मेसिनरी व्यवसायी संघले आयोजना गर्ने मेला एसियामै पहिलोपटक हुन लागेको आयोजकले जनाएको छ ।
मेलाले बैंकहरूलाई कृषि कर्जा विस्तार गर्न सहयोग पुर्याउने, नीति–निर्माता, नेपाल राष्ट्र बैंक, वाणिज्य बैंक र कृषकहरूको उपस्थितिमा संवाद एवं कार्यशाला सञ्चालन हुनेछ । नबिल र कृषि विकास बैंकको मुख्य प्रायोजनमा आयोजना हुन लागेको मेलामा एक लाख कृषक सहभागी हुने अपेक्षा गरिएको छ ।
कार्यक्रममा नबिल बैंकका प्रमुख कार्यकारी अधिकृत (सिइओ) अनिलकेशरी शाहले अबका सन्तानले कृषिमा लगानी गर्ने तथा किसान बन्ने अवस्था सिर्जना गर्नुपर्ने बताए । कृषि कर्जा मेलाको सहयोगमा बैंकर्स एसोसिएसन, शिखर इन्स्योरेन्स, फोन पे र डेभलपमेन्ट एलायन्स नेपाल रहेका छन् ।
