- वि.सं २o७८ फाल्गुण १२ बिहीबार
नवौँ मारवाडी प्रिमियर लिग (एमपिएल) क्रिकेट प्रतियोगिताको उद्घाटन खेलमा प्रिमियर–११ र परर्शुराम वारियर्स विजयी भएका छन् । पहिलो खेलमा प्रिमियर–११ ले म्याजिक स्ट्राइकर्सलाई ४६ रनले पराजित गरेको छ । प्रिमियरले १० ओभरमा ८ विकेट गुमाई १ सय १८ बनायो । प्रिमियरका अमित अटलले ४७ रन र हरिष अग्रवालले २६ रन बनाए । म्याजिकका रोहित अग्रवालले सर्वाधिक ३ विकेट लिए ।
म्याजिकले सात विकेट गुमाई ७२ रन मात्र जोड्न सक्यो । म्याजिकका सुभम अग्रवालले सर्वाधिक १९ रनको योगदान दिए । प्रिमियरमा रोहित साबुले सर्वाधिक ३ विकेट लिए । अर्को खेलमा पर्शुराम वारियर्सले सिएसवि–११ लाई सात विकेटले पराजित ग¥यो । सिएसवि–११ ले १० ओभरमा ८ विकेट गुमाई ७७ रन बनायो । जय सोनीले सर्वाधिक २४ रनको योगदान दिए ।
७८ रनको लक्ष्य पछ्याएको पर्शुरामले ८.२ ओभरमा तीन विकेट गुमाएर जित हात पार्यो । विजयी टोलीका लागि कुलदिप गौरले २६ रन र विनोद शर्माले अविजित २० रन बनाए । अर्को खेलाम प्रिमियर–११ ले हुलास–११ लाई १३ रनले पराजित गरयो । प्रिमियरले निर्धारित १० ओभरमा सान विकेट गुमाएर ८७ रन बनायो । अमित अटलले ३४ रन र केशव महेश्वरीले १५ रनको योगदान दिए । हुलासका अरियन्त वैधले सर्वाधिक चार विकेट लिए । हुलासले निर्धारित ओभरमा ८ विकेट गुमाई ७४ रन मात्र जोड्न सक्यो ।
