- वि.सं २o७८ फाल्गुण ४ बुधबार
त्रिभुवन अन्तर्राष्ट्रिय विमानस्थल हुँदै अवैध रूपमा सुन ल्याएको आरोपमा प्रहरीले तीनजनालाई पक्राउ गरेको छ। उनीहरूलाई सुनसहित विमानस्थलबाटै पक्राउ गरिएको विमानस्थल प्रहरीले जनाएको छ।
विमानस्थल प्रहरी प्रमुख भीमप्रसाद ढकालले यसबारेमा केहीबेरमा जानकारी गराउने बताए। ‘अवैध रूपमा ल्याउँदै गरेको सुनसहित हामीले केहीलाई पक्राउ गरेका छौँ, यसबारेमा थप जानकारी प्रेस विज्ञप्तिमार्फत गराउँछौँ,’ उनले भने।
