- वि.सं २o७८ फाल्गुण ४ बुधबार
विभिन्न ६ राजनीतिक दलले बुधबार नेपाल बन्द आह्वान गरेपछि गृह मन्त्रालयले शान्तिसुरक्षा चुस्त राख्न निर्देशन दिएको छ। सबै जिल्ला प्रशासन कार्यालयहरूलाई परिपत्र गर्दै यस्तो निर्देशन दिएको हो।
विभिन्न राजनीतिक दलले फागुन ४ गते अर्थात् आज नेपाल बन्दको आह्वान गरेका छन्। उक्त बन्दको होहल्ला लागू नगराउन र कानुनविपरीतका गतिविधिहरू रोक्न प्रहरी प्रशासनलाई पनि आग्रह गरेको छ।
आज बिहानैदेखि ७७ वटै जिल्ला प्रशासनले सुरक्षा सतर्कता बढाएका छन्। बन्दको हल्लासँगै लामो दूरीका गाडी कम मात्रामा गुडेको र केही विद्यालयले बिहानी कक्षा बन्द गरेको प्रशासनले जनाएको छ।
